June 19, 2023
Billy Rekemel
Peleliu State
Republic of Palau 96940
Dear Mr. Rekemel:
Kemam el Ngara Berai (Rubekul A Beluu ra Teliu) el beldukl a ngklam ma Dui el kim telchull a oichais er kau el kmo: “A Eric Saburo a Diak el Renguul ra Teliu e diak el sechelimam ar Ngara Berai.” leng dirkak kimkengei er ngii lokiu a role! ra Siukang ma errengelel a Klobak ra Renged ra Beluu ra Teliu. A Renguul ra Teliu el sechelimam rna Beluu ra Beliliou rna Belau a medengelii el mla Renguul el Ptelul a Klobak ma Renged ra Teliu el mla engellakl ra Okewang Rak (40 years) a Renguul Donald Haruo. Kau a kirem el mereched el torbengii a omeluches el babier el ngarngii a ngklel a Eric Saburo elkong Renguul ra Mereched el taem lengomtok ra Uchetemel a llach ra Beliliou rna ngarngii el lechul a Beluu rna Olbiil Era Llach ra Beliliou.
A doltirakl ra Uchetemel a Llach ra Beluu ra Beliliou engdiak a llemeltem el mesaod melechub ekemeluches a babier elkong babilengel Olbiil ra Llach ra rechad ra Beliliou. A klemerang er ngii eng diak a ochur ra rechad el kirir el ngar Olbiil el sebechem lultuir er tir rna rechad el omdak elko komeruul a llechul a Beluu. Kemiu adi tewid el chad (7) eya Quorum a eight (8). Lak mongetakl ra rechad el diak el kltmokl a derruchelir ra siukang leko melchel ra ildisui lekemam mar chad ra Beluu ra Beliliou a diak kimikeu malechub el mechad a dingemam. Kemam a kmal mui el mdengei a tekoi e MEDUCH el menguiu a babier.